«Йортыбыз — Татарстан» фестивалендә мең ярымнан артык кеше катнашты

(5 октябрь 2018) Нурлат шәһәренең Халыклар дуслыгы йортында «Йортыбыз — Татарстан» республикакүләм этномәдәни фестиваленең чираттагы зона сайлап алу туры узды. Өч тур нәтиҗәләре буенча, аларда 517 катнашучы чыгыш ясаган. (ФОТО)

 

Нурлатта үз халыкларының мәдәният, гореф-гадәтләр, тел байлыгын Татарстанның Спасс, Алексеевск, Яңа Чишмә, Нурлат һәм Аксубай районнарыннан килгән аерым башкаручылар һәм иҗат коллективлары тәкъдим итте. Биредә татар, рус, чуаш, керәшен һәм үзбәк җыр-биюләре күрсәтелде.

IMG-20181005-WA0002

Барлык катнашучылар да фестиваль дипломнары белән бүләкләнде. Иң әйбәт иҗат коллективлары һәм аерым башкаручылар ел саен Казанда 4 ноябрь Халыклар бердәмлеге көнендә узучы фестивальнең Гала-концертында чыгыш ясаячак.

Зона сайлап алу турын оештырган Нурлат районы милли костюмнар һәм уен кораллары алу өчен сертификат белән бүләкләнәчәк.

Халыклар дуслыгы йортының мәгълүмат үзәге

Добавить комментарий

bn-of-rt bn-uslugi bn-ufms bn-anrussia bn-prch