«Күпмилләтле Казан — Балалар» конкурсында якшәмбе мәктәбенең чуаш бүлеге укучысы җиңде

(13 декабрь 2018) Башкалабызда «Күпмилләтле Казан — Балалар» беренче фестиваленең финалы узды. Конкурсның җиңүчесе итеп Күпмилләтле якшәмбе мәкәбенең чуаш бүлеге укучысы София Чаркина билгеләнде.

IMG-20181213-WA0004

София чуаш халкы мәдәнияте матурлыгын лаеклы тәкъдим итте. Ул чуаш телендә «Асамат кепере» — «Салават күпере» җырын башкарды. Профессиональ жюри аның чыгышын югары бәяләде һәм беренче урынга лаек дип тапты. Казан Башкарма комитетының телләрне үстерү һәм иҗтимагый оешмалар белән бәйләнешләр буенча бүлек җитәкчесе Илнур Шакиров Софиягә җиңүче дипломы һәм истәлекле бүләк тапшырды.

IMG-20181213-WA0005

«Күпмилләтле Казан — Балалар» конкурсы «Мәдәниятләр меңъеллыгы» Халыкара фестивале кысаларында узды.

Фестивальдә катнашучылар дүрт номинациядә көч сынашты:

  • фольклор-этнографик йола композициясе (йола, уен);
  • вокал (халык җырын башкару);
  • хореография (халык биюе);
  • нәфис сүз (туган телдә сәнгатьле итеп әсәр уку).

Халыклар дуслыгы йортының мәгълүмат үзәге

Добавить комментарий

bn-of-rt bn-uslugi bn-ufms bn-anrussia bn-prch