Күпмилләтле Түбән Кама шәһәрендә узган «Раштуа очрашулары» барлык милләт вәкилләре өчен олы бәйрәмгә әверелде.

(12 гыйнвар) Түбән Кама шәһәрендә эшләп килүче рус милли-мәдәни җәмгыяте үзенең 25 еллык юбилеен зурлап билгеләп үтте. Шәһәрнең Халык иҗаты йорты олы концерт мәйданын хәтерләтте ул көнне: халык милли ансамбльләренең берсеннән берсе уздырып җыр-биюдә “ярышуы”, уеннар уйнау, табышмаклар әйтешү, Раштуа багулары — тантанага килгән бер генә кеше дә күңел ачудан читтә калмады.

раштуа1

Уеннарны, ярышларны җор телле Кыш бабай, Кар кызы бәяләде. «Раштуа очрашуларына» 1 меңнән артык тамашачы килгән иде.

раштуа2

Сәхнәдә барлыгы 300 кешене берләштергән иң талантлы үзешчән сәнгать коллективлары чыгыш ясады. Ә фойеда Милли кәсеп һәм һөнәрчелек белән шөгыльләнүче осталарның сәнгать күргәзмәсе эшләде.

раштуа3

Юбиляр исеменә котлау һәм мактау сүзләре яңгырады. Рус милли-мәдәни җәмгыятен чирек гасырлык юбилее белән Татарстан халыклары Ассамблеясының Башкарма комитеты рәисе Николай Владимиров, Татарстан халыкларының Дуслык Йорты директоры Ирек Шәрипов котлады.

раштуа4

Добавить комментарий

bn-of-rt bn-uslugi bn-ufms bn-anrussia bn-prch