Милли коллективлар чыгышы, автосабантуй һәм ретро-ралли: Татарстанда халыкара тарихи техника фестивале узачак

(5 август 2019) 9-11 августта Зөя шәһәр-утравы мәйданында XIII Халыкара тарихи техника фестивале үтәчәк. Тантаналы ачылышта Татарстан халыклары Ассамблеясе һәм Халыклар дуслыгы йорты коллективлары да чыгыш ясаячак.

Быел фестивальдә Россия, Украина, Польша һәм Белоруссиядән 300ләп борынгы автомобиль тәкъдим ителәчәк.

«300 тирәсе автомобиль һәм мотоцикл телкәлде. Россиянең бөтен диярлек төбәкләреннән катнашачаклар: Мәскәү, Санкт-Петербург, Самара, Ярославль, Сыктывкардан катнашучылар бар. Быел Польша, Белоруссия һәм Украинадан да киләчәкләр», — дип сөйләде «Татар-информ»да узган пресс-конференциядә чараның оештыру комитеты рәисе Альберт Бикбулатов.

GX-Ej99LoP0

Фестиваль кысаларында тарихи урыннарга экскурсия, автомобиль һәм мотоциклчылар арасында йөртү осталыгы буенча конкурс, «Автосабантуй» һәм Россия автомобиль ассоциациясе кубогына ретро-ралли планлаштырыла.

Белешмә. Халыкара тарихи техника фестивале 2007 елдан бирле оештырыла һәм ел саен 200дән артык автомобиль һәм мотоцикл экземплярларын туплый. Чарада профессиональ реставраторлар, җитди коллекционерлар һәм искелекне яратучылар катнаша.

Тамашачылар өчен керү ирекле.

Халыклар дуслыгы йортының мәгълүмат үзәге

Добавить комментарий

bn-of-rt bn-uslugi bn-ufms bn-anrussia bn-prch