Республиканың тагын 7 районы «Йортыбыз — Татарстан» фестиваленә кушылды

(3 октябрь 2018) Тәтештә (Татарстан) «Йортыбыз — Татарстан» республикакүләм этномәдәни фестиваленең икенче зона сайлап алу туры узды. Анда чыгыш ясаган аерым башкаручылар һәм иҗат коллективлары Идел буе халыклары (татар, рус, чуаш һәм мордва) мәдәниятен һәм гореф-гадәтләрен күрсәтте.

Әлеге зона турында 120дән артык кеше катнашты. Тәтеш, Чүпрәле, Апас, Кайбыч, Буа, Кама Тамагы һәм Югары Ослан районнары вәкилләре башкаруында өч дистәгә якын чыгыш каралды.

IMG-20181003-WA0006

Барлык катнашучылар да фестиваль дипломнары белән бүләкләнде. Иң әйбәт иҗат коллективлары һәм аерым башкаручылар ел саен Казанда 4 ноябрь Халыклар бердәмлеге көнендә узучы фестивальнең Гала-концертында чыгыш ясаячак.

Үзендә зона сайлап алу турын оештырган Тәтеш районы милли костюмнар һәм уен кораллары алу өчен сертификат белән бүләкләнәчәк.

IMG-20181003-WA0003

Бүгенге көндә фестивальнең сайлап алу турларында 370 катнашучы чыгыш ясады. Киләсе зона туры 5 октябрь көнне Нурлат районында узачак.

Халыклар дуслыгы йортының мәгълүмат үзәге

Добавить комментарий

bn-of-rt bn-uslugi bn-ufms bn-anrussia bn-prch