(18 декабрь 2020) Картиналар РФ Иҗтимагый палатасының милләтара һәм диниара мөнәсәбәтләрне гармонияләштерү комиссиясе рәисе Владимир Зоринның гаилә коллекциясеннән тәкъдим ителәчәк.
Бу мәсьәлә Владимир Зоринның ТР Иҗтимагый палатасы рәисе Зилә Вәлиева белән бергә Татарстанның Халыклар Дуслыгы йортына визиты барышында каралды.
Кунакларны Татарстан халыклары Ассамблеясе Советы башкарма комитеты җитәкчесе Константин Яковлев һәм Дуслык йорты директоры Ирек Шәрипов каршы алды. Алар Дуслык Йортында гадәттә күргәзмәләр үтә торган мәйданчыкларны күрсәттеләр.
Моннан тыш, Владимир Зорин Халыклар дуслыгы йортының «Алтын» хореография мәктәбе-студиясе репетициясендә булды, анда хореографлар һәм укучылары белән аралашты.
Зориннар гаиләсе коллекциясеннән картиналар күргәзмәсен 2021 ел башында оештыру планлаштырыла. Бу коллекция 90нчы еллар башында туплана башлана һәм аның нигезен XX гасырның соңгы чиреге — XXI гасыр башы Россия провинциясе рәссамнарының эшләре тәшкил итә. Барлыгы ике йөзгә якын рәссамның берничә йөз картинасы.
Дуслык йортының мәгълүмат үзәге