(29 июнь 2020) Илдә эпидемиологик хәл урнашу сәбәпле, Республикакүләм «Уяв» чуаш мәдәнияте бәйрәме кысаларында оештырылучы чаралар 29 июньнән 11 июльгә кадәр онлайн-форматта узачак.
Уяв – халык гореф-гадәтләре һәм йолалары бәйрәме. Аның асылында яшьләр уеннары һәм әйлән-бәйлән ята. Кагыйдә буларак, әлеге уеннар беренче шытымнар чыгу белән башланып, печән өсте вакытында тәмамланганнар. «Уяв» бәйрәме вакытында әйлән-бәйләнне һәр көн саен иртәдән кичкә кадәр уйнаганнар. Кичен агач астында учак якканнар һәм алар тирәли берничә тапкыр әйләнгәннәр.
Чуаш мәдәнияте бәйрәме кысаларында оештырылучы чаралар исемлеге белән сылтама аша үтеп танышырга мөмкин. Чаралар узу вакыты һәм урыны буенча өстәмә мәгълүмат безнең порталда урнаштырылачак.
Дуслык йортының мәгълүмат үзәге