(2 декабрь 2019) Бөек Устюг шәһәреннән Бөтенроссия Кыш Бабае Россия буенча дүртенче тапкыр сәяхәт итә. Татарстанның Халыклар дуслыгы йорты Кыш тылсымчысы тукалышларының берсе булды. (ФОТО)
Кыш Бабай килешкә биредә Ассамблея, Дуслык йорты һәм «Добрая Казань» автоном коммерцияле булмаган оешма ярдәме белән Даун синдромлы балалар әти-әниләре тарафыннан «Әти мәхәббәте» фотокүргәзмәсе оештырылган иде. Тылсымчы алар белән күрешеп, бүләкләрен тапшырды.
Казаннан тыш, «Кыш Бабайның НТВ белән сәяхәте» маршруты бөтен илне колачлый, 28 шәһәр: Красноярск, Томск, Кемерово, Барнаул, Новосибирск, Төмән, Екатеринбург, Чиләбе, Пермь, Самара, Түбән Новгород, Саратов, Ставрополь, Краснодар, Воронеж, Тула, Ярославль, Вологда, Череповец, Санкт-Петербург, Балашиха, Подольск, Щёлково, Королёв, Мытищи, Раменское һәм Мәскәү.
Өч ел дәвамында Кыш Бабай НТВ белән бергә 40 000 км үткән, 260тан артык социаль учреждениедә булган, 220 аз керемле һәм күп балалы гаилә белән күрешкән, 325 тонна бүләк өләшкән.
Дуслык йортының мәгълүмат үзәге