(8 август 2020) 24 августтан 30 августка кадәр «Мир» кинотеатры һәм ТР муниципаль кинотеатрларында үтәчәк «Татар киносы атналыгы» кысаларында соңгы ике елда республикада төшерелгән фильмнар күрсәтеләчәк.
Атналыкның тантаналы ачылышы 24 августта 18:00 сәгатьтә «Мир» кинотеатрында үтәчәк. Планлаштырылган чаралар исемлеге белән сылтама аша үтеп танышырга мөмкин.
Атналык кысаларында татар фильмнарын күрсәтү белән беррәттән ТР атказанган артисты Айгөл Бариева, ТР халык артисты, композитор Вил Усманов, ТР атказанган артисты, К.Тинчурин исемендәге театр актрисасы Зөлфия Вәлиева, театр (Г.Кариев исемендәге театр) һәм кино актрисасы Гөлназ Галимуллина, танылган татар эстрадасы башкаручысы АсылъЯр, театр һәм кино актрисасы Гүзәл Сибгатуллина белән очрашу да узачак.
Дуслык йортының мәгълүмат үзәге