9-15 май көннәрендә Татарстанның Халыклар дуслыгы йортында узачак чаралар исемлеге.
11 май
Рус милли-мәдәни берләшмәсенең ветераннар бүлеге вәкилләреннән Бөек Җиңү көненә багышланган бәйрәм чарасы.
12 май
«Жемчуженки» күп милләтле вокаль ансамбле концерты.
12-13 май
Татарстан һәм Коминың Халыклар дуслыгы йортлары Казанда Коми мәдәнияте көннәре оештырачак. Беренче көнне курчаклар һәм милли уен кораллары күргәзмәләре ачылачак, мастер-класслар һәм уеннар узачак, ә икенче көнне коми теле турында кызыклы лекция үтәчәк.
| Чара исеме | Вакыты |
| «Халык портретын курчактан язам» курчаклар күргәзмәсе | 17:30 – 18:00 |
| «Зиль-зёль» милли уен кораллары күргәзмәсе | 17:30 – 18:00 |
| «Бизәкле такта» бизәкләү буенча мастер-класс | 18:00 – 19:00 |
| «Ата-бабаларыбыз эзләреннән» танып-белү-уен программасы (Коми халык уеннары һәм коми кәсепчелеге календаре белән танышу) | 19:00 – 20:00 |
| Чара исеме | Вакыты |
| «Шундый борынгы һәм заманча: коми теле турында» лекциясе | 14:00 – 15:00 |
14 май
Казан шәһәре башкортларының «Башҡорт йорто» милли-мәдәни автономиясенең 30 еллыгына багышланган бәйрәм чаралары узачак. Программада: шәһәр буйлап күзәтү экскурсиясе, «Башҡорт йорто» китабын тәкъдир итү, автономия активы катнашында Уфа кунаклары белән очрашу. Көн Татарстанның Халыклар дуслыгы йортының концертлар залында узачак тантаналы концерт белән тәмамланачак.
Дуслык йортының мәгълүмат үзәге