Бүген Габдулла Тукай әдәби музее күркәм датаны – үзенең 40 еллык юбилеен билгеләп үтте. Шул уңайдан музейда көн дәвамында төрле-төрле бәйрәм чаралары узды. Тамашачылар ярышларда катнаштылар, уеннар уйнадылар, җыр-биюләр карадылар.
1986 елның 11 июнендә музей ачыла, һәм шуннан бирле бу күркәм бина Габдулла Тукай исеме белән бәйле. Шушы вакыт эчендә анда Россиянең һәм дөньяның төрле төбәкләреннән килгән бер миллионнан артык кеше булып киткән.
Музейның 40 еллыгына багышланган тантаналы чарада Татарстан халыклары Ассамблеясе Берлеге Башкарма комитеты җитәкчесе, ТР Дәүләт Советы депутаты Ренат Вәлиуллин катнашты.
