(3 февраль, 2016 ел) Казанда беренче тапкыр атаклы татар композиторы Нәҗип Җиһанов исемен йөрткән фестиваль оештырылачак. 3-8 февраль көннәрендә узачак «Мирас» татар музыкасы проекты С. Сәйдәшев исемендәге Зур концертлар залында булачак.
Фестивальдә Салих Сәйдәшев, Рөстәм Яхин һәм башка танылган татар композиторларының әсәрләре яңгыраячак, дип хәбәр итә чараны оештыручылар.
3 февраль көнне тамашачыларга тәкъдим ителәчәк концерт программасында Н. Җиһановның «Нәфисә» увертюрасы, 5 нче номерлы симфониясе, татар темаларына сюитасы яңгырар дип көтелә.
6 февральдә Заһидулла Яруллин һәм Нәҗип Җиһанов иҗат иткән «Тукай маршы», Алмаз Монасыйповның 3 нче номерлы симфониясе, «Наемщик» драмасыннан Салих Сәйдәшев вальсы, Рөстәм Яхинның фортепиано һәм оркестр өчен концертын тыңларга мөмкин булачак.
8 февраль көнне Леонид Любовскийның Скрипка өчен оркестр белән концерты, Рәшит Кәлимуллинның 7 нче номерлы симфониясе, Резеда Ахиярованың «Гармония гимны» кантатасы, Шамил Шәрифуллинның оркестр өчен «Җыен» концерты тамашачы хозурына тапшырыла.