(8 июнь, 2016 ел) 11 июнь көнне Кукмара районының Киндеркүл авылында Республикакүләм “Гырон быдтон” удмурт халкы мәдәнияты бәйрәме узачак.
Бәйрәмне башлап, Манзарас авылының урта белем бирү мәктәбе иҗат коллективлары Республикакүләм “Гырон быдтон” удмурт халкы мәдәнияты бәйрәме узачак мәйданны йөреп әйләнәчәк.
10:00 сәгатьтә бәйрәм ачылышы тантанасы узачак: театральләшкән башлам, рәсми кунаклар чыгышы, Республикакүләм “Гырон быдтон” бәйрәме флагын күтәрү).
Бәйрәмдә берничә мәйдан эшләячәк:
- Төп сәхнәдә Татарстан һәм Россия төбәкләреннән килгән фольклор коллективлар чыгыш ясаячак, халык уеннары һәм спорт ярышлары оештырылачак;
- Удмуртларның көнкүреш йортында кунакларны удмурт халкы тарихы, мәдәнияты, гореф-гадәтләре, йолалары белгечләре каршы алачак;
- Кече сәхнәдә кызлар арасында “Инвожо чеберай” һәм егетләр арасында “Усточи пияш” конкурслары узачак.
Теләгән һәркемне бәйрәм боткасы белән сыйлаячаклар.