(18 ноябрь, 2016 ел) Татарстан халыклары Дуслыгы Йортында Рәшит Гаимовның күргәзмәсе ачылды. Рәссам-график иҗатчылар арасында сирәк очраучы «офорта» жанрында эшли. Рәшит Гаимов иҗатында ике тема өстенлек итә: «Идегәй» һәм «Тукайның тормышы һәм иҗаты».
Рәшит Гаимов киндердә төрле образлар гына тудырмый, ә яхшы педагогик сәләткә дә ия. Ул гомере буе укытучы булып эшләгән.
1979-1993 елларда Химиклар мәдәният йортында халык рәсем студиясендә җитәкчелек иткән.
2007-2013 елларда Казан милли тикшеренү технология университетының (Казан химия һәм технология институты) «Дизайн» кафедрасы доценты булган, ә 2011-2012 елларда Суриков исемендәге Мәскәү Дәүләт академия рәсем сәнгате институтының Казандагы филиалында эшләгән. Аның укучылары арасында Россия рәссамчылары союзы әгъзалары да бар.
Рәшит Гаимов иҗатында ике тема өстенлек итә: «Идегәй» һәм «Тукайның тормышы һәм иҗаты».
Белешмә өчен: «Идегәй» дастаны татар халкының рухи мирасының мөһим өлеше булып тора. Анда каһарманлылык, батырлык, туган җиргә булган мәхәббәт, дошманнарга карата нәфрәт, дуслык һәм үз-үзеңне корбан итү, гаделлек һәм намус зурлана. Әлеге дастан төрек халыклары тарихына карагана мөһим мәгълүматлар бирә,
Рәшит Гаимов дастанга эллюстрацияләр ясамаган, ә рәссам буларак төрек халыклары авыз иҗаты әсәренә үз карашын, кичерешләрен образлы һәм метафоралы итеп биргән.
Күргәзмә Татарстанның халык артисты Рөстәм Маликовның чыгышы белән ачылды.
Рәшит гаимовның эшләре ТР Дәүләт рәсем сәнгате музеенда, Волгоград өлкәсенең Дәүләт галереясендә, Германия, Франция, АКШта шәхси коллекцияләрдә саклана.
Татарстан халыклары Дуслыгы Йорты мәгълүмат үзәге