(28 февраль 2018) Татарстан халыклары Яшьләр Ассамблеясе активистлары катнашында Нурлат шәһәренең Халыклар дуслыгы йортында Нурлат районы яшьләре слеты узды.
Чарада шәһәр мәктәпләренең югары класс укучылары, аграр техникум студентлары, яшь укытучылар, «Бердәм Россия» партиясенең «Яшь Гваридя» оешмасы әгъзалары, «Волонтер» ирекле хәрәкәт үзәге активистлары, район башкарма комитетының мәдәният, яшьләр эшләре һәм спорт бүлекләре вәкилләре һәм башкалар катнашты.
Чарада катнашучыларны Нурлат районы башкарма комитетының социаль-мәдәни мәсьәләләр буенча җитәкчесе урынбасары Әлфия Галәветдинова сәламләде һәм киләчәктә дә тыгыз хезмәттәшлек алып барылачагына ышанычын белдерде. Бу очрашу, иң беренче чиратта, Татарстанның күпмилләтле яшьләре арасында дуслыкны ныгытуга, яшьләр мөхитендә национализм һәм экстремизм профилактикасына юнәлдерелгән иде.
Татарстан халыклары Яшьләр Ассамблеясе җитәкчесе Тимур Кадыров фестивальләр, проектлар һәм Яшьләр Ассамблеясе эшчәнлеге турында сөйләде, «Росмолодежь» грант конкурслары, «Күпмилләтле Татарстан» фотопроекты турына сөйләде. Көндәлек милләтара һәм динара проблемаларны чагылдыручы МУВИ форум-театры мастер-классы барлык катнашучыларны да уйларнырга мәҗбүр итте.
Слетта Татарстан халыкары Яшьләр Ассамблеясенең Нурлат районында вәкиллеген ачу карары кабул ителде. Вәкиллекнең җитәкчесе итеп бер тавыштан Джулия Максютина билгеләнде, аңа Ассамблея флагы тапшырылды.
Халыклар дуслыгы йортының мәгълүмат үзәге