Иң беренчеләрдән булып проект №87 урта белем бирү мәктәбендә чынга ашырылды. 100дән артык укучы хәрәкәтле һәм интеллектуаль уеннар аша 10 дөнья халыклары гореф-гадәтләре һәм мәдәнияте элементлары белән танышты. Шулай ук малайлар һәм кызлар күпмилләтле яшьләр катнашында концерт программасын да карадылар.
Проектның максаты – төрле милли уеннарда катнашу аша Татарстан Республикасы балаларында сәламәт һәм актив яшәү рәвеше алып бару идеологиясен формалаштыру. Үз илебездән читкә чыкмыйча, балалар, мисалга, «Кульяулык» («Платочек») төрекмән, «Су, ут, һава, җир» («Вода, огонь, воздух, земля») әрмән һәм башка халыклар уеннары шартлары белән таныша һәм аларда катнаша ала.
Чара барышында Казан шәһәре мәктәпләре укучыларын өйтирәсендә теләсә кайсы вакытта уйнап була торган яңа командалы спорт шөгыльләре белән таныштыралар. Дөньяның төрле илләреннән килгән яшьләр белән аралашу нәтиҗәсендә, балаларда толерантлык, патриотизм һәм үзара хөрмәт хисләре тәрбияләнә.
1 июнь көнне, Балаларны саклау көне уңаеннан әлеге чара №180 Гимназиядә оештырылачак.
Проектны чынга ашыру кысаларында шәһәрнең 10 мәктәбе укучылары катнашачак. Алар төрле халык мәдәнияте һәм гореф-гадәтләре белән танышачак.
Халыклар Дуслыгы йортының мәгълүмат үзәге