(18 февраль 2019) 9 март көнне Казанда Май чабу славян мәдәнияты бәйрәме узачак.
«Казан» гаилә үзәге янындагы боз сарае территориясендә декоратив-гамәли сәнгать осталары эшләнмәләре ярминкәсе, халык иҗаты әйберләрен сату рәтләре эшләячәк. Шулай ук кунаклар өчен халык биюләре, саклагыч курчаклар һәм истәлекле тәңкәләр ясау буенча мастер-класслар оештырылачак.
Боз сарае территоритясендә берничә мәйданчык эшләячәк. Аларда рус халык уеннарында катнашырга, ат һәм понида йөрергә мөмкин булачак. Моннан тыш теләгән һәркем аттракционнарда күңел ача һәм боз тавында шуа алачак.
Бәйрәмнең төп сәхнәсендә фольклор җыр һәм биюләр башкаручылар, Петрушка театры чыгыш ясаячак, цирк сәнгате элементлары кергән номерлар һәм традицион славян бәйрәм мәдәниятенең төп өлешләре күрсәтеләчәк.
Бәйрәм программасына тагын әкият геройлары катнашында театральләшкән тамаша, Май чабу карачкысын яндыру йоласы, олылар һәм балалар өчен кышкы уен-күңел ачу программасы, бүләкләр уйнату, такмаклар конкурсы, яшьләр биюләре һәм уеннары да кертелгән.
Бәйрәмнең һәр кунагы борынгы рус рецептлары белән пешерелгән төрле белен һәм перәннекләрдән авыз тә алачак.
Бәйрәмне оештыручылар — Татарстан Республикасы Мәдәният министрлыгы булышлыгы белән ТР рус милли-мәдәни берләшмәсе, Казан шәһәре Мэриясе, Татарстан халыклары Ассамблеясе һәм Халыклар дуслыгы йорты.
Бәйрәм сәгать 11:00 дә башлана. Тантаналы ачылу 12:00 сәгатьтә.
Халыклар дуслыгы йортының мәгълүмат үзәге