Проект «Пушкин картасы» федераль программасы кысаларында узды. Тамашачыларны һәм кунакларны Халыклар дуслыгы йорты директоры Ирек Шәрипов сәламләде һәм күпмилләтле республикада халыклар арасында тынычлыкны һәм татулыкны саклауның мөһимлеген билгеләп үтте.
Беренче өлешендә Алексеевск укучылары төрле темаларга кыска метражлы фильмнар карадылар. Һәр фильмнан соң аның турында фикер алышу һәм алып баручының сорауларына җаваплар бирү оештырылды.
Катнашучылар җавапларны махсус карточкалар ярдәмендә дә (риза – риза түгел, әйе – юк), шулай ук тулы иттереп тә бирделәр.
Проектның иң актив катнашучыларына бүләк итеп китаплар һәм өстәл уеннары бирелде.
Дәрестән соң тамашачыларга күпмилләтле концерт тәкъдим ителде, анда Татарстан халыклары Ассамблеясе һәм Дуслык йорты артистлары чыгыш ясады.
Дуслык йортының мәгълүмат үзәге