(27 июль, 2015 ел) Күргәзмәдә 35 эш тәкъдим ителә29 июль көнне сәгать 16.00 дә “Хәзинә” Милли сәнгать галереясында Алсу Тимергалинаның шәхси күргәзмәсе эшли башлый.
Рәссам 1960 елда Казанда туган һәм Казан сәнгать училищесын, И. Я. Яковлев исемендәге Чувашия дәүләт педагогия университетының сәнгать-графика факультетын тәмамлаган.
Алсу Тимергалина − “Татарстан яшьләре” газетасы, “Идел” журналы дизайнын булдырган, Татарстан китап нәшриятында басылган күп китапларны бизәгән рәссам. Иҗатчы үзе Казанның тарихы һәм этнографиясе белән кызыксына. Шул темага ул “Иске Казан” график серясен булдырган. “Сумерки в Казани”, “Старая Казань. Осень на Кабане”, “Казань с высоты птичьего полета” кебек эшләр республика һәм төбәкара күргәзмәләрдә дипломнар белән билгеләп үтелгән. Рәссамның “Семь девушек”, “Хоровод девушек” кебек яңа эшләре хатын-кызларга багышланган.
Күргәзмәдә Алсу Тимергалинаның 35 иҗат җимешен күрергә мөмкин. Ул ай дәвамында эшләячәк, диелә “Хәзинә” Милли сәнгать галереясы матбугат хезмәте хәбәрендә.
Мәгълүмат http://www.tatar-inform.ru/ сайтыннан алынды.