Татарстан халыклары Ассамблеясы һәм Дуслык йорты җитәкчелеге Алабугада һәм Чаллыда милли-мәдәни хәрәкәт активы һәм студентлар белән очрашты.
Казан делегациясе составына Татарстан халыклары Ассамблеясының башкарма комитеты җитәкчесе Константин Яковлев, Татарстанның Халыклар дуслыгы йорты директоры Ирек Шәрипов һәм Татарстан халыклары Яшьләр Ассамблеясы рәисе Тимур Кадыйров керде.
Очрашу барышында Татарстанның күпмилләтле хәрәкәте өчен актуаль булган мәсьәләләр, миграция сәясәте, этномәдәният хәрәкәтендә чит ил студентларының роле һәм урыны, республикада тынычлыкны һәм татулыкны саклап калуга, шулай ук Татарстанда яшәүче халыкларның традицион мәдәниятләрен, гореф-гадәтләрен һәм телләрен саклауга һәм үстерүгә юнәлдерелгән проектларны тормышка ашыру мәсьәләләре каралды.
Дуслык йортының мәгълүмат үзәге