(10 август 2020) Татарстан Республикасы көне алдыннан һәм ТАССРның 100 еллыгы уңаеннан Татарстан халыклары Ассамблеясе һәм Халыклар дуслыгы йорты коллективы #МойТатарстан дип исемләнгән онлайн-марафон оештыра.
Һәр көн Татарстанның Халыклар дуслыгы йортының Инстаграм һәм Вконтакте челтәрләрендә республикабызның милли-мәдәни автономияләре вәкилләре башкаруында «Как дорог мне, родной мой край!» шигыренең бер юлын ишетергә мөмкин.
30 август, Татарстан Республикасы көнендә урнаштырылган видео акциянең нәтиҗәсе булачак.
Марафонны ТР Президенты каршындагы Мәдәният һәм сәнгать буенча Совет әгъзасы, Казан шәһәренең рус милли-мәдәни берләшмәсе Советы әгъзасы, «Русская песня» Халык хоры һәм «Кудёрушки» славян җыры Халык ансамбле сәнгать җитәкчесе Светлана Измайлова башлап җибәрде.
Дуслык йортының мәгълүмат үзәге