Татарстанның милли-мәдәни автономияләре Оренбург өлкәсендә су басудан зыян күргәннәргә 10 тоннадан артык гуманитар ярдәм җыеп җибәрде. Ярдәм җыю Татарстанның Халыклар Дуслыгы йортында оештырылды. (ФОТО)
Берләшмә активистлары тарафыннан озак вакыт саклана торган азык-төлек, шәхси гигиена әйберләре, урын-җир кирәк-яраклары, шешәле эчә торган су, антисептиклар, чистарткычлар, подгузниклар, бала ризыклары һәм киемнәр җыелган.
Татарстан халыклары Ассамблеясе Советы башкарма комитеты җитәкчесе Ренат Вәлиуллин билгеләп үтте: «Бөтен ил өчен Оренбург өлкәсендәге су басу – зур сынау булды. “Без гуманитар ярдәм җыюны алып барабыз”, — дип милли-мәдәни оешма җитәкчеләренә мөрәҗәгать иттек. Шулай ук, Оренбург белән элемтәгә кереп, аларга беренче чиратта нәрсә кирәклеген сорадык. Алар санап чыктылар. Бүген фургон Оренбургка китәчәк».
ТХДЙның мәгълүмат үзәге