(2 июнь 2021) Татарстанның Халыклар дуслыгы йортында 5 нче балалар сәнгать мәктәбе укучыларының эшләреннән төзелгән күргәзмә ачылды. Чара Балаларны яклау көне уңаеннан узды. (ФОТО)
5-нче номерлы балалар сәнгать мәктәбе Казан шәһәренең сәнгать белеме системасында база һөнәри мәктәбе булып тора. Мәктәптә рәсем, живопись, композиция, декоратив-гамәли сәнгать һәм сәнгать тарихы кебек юнәлешләр укытыла. Укучылар рәссам, архитектор, дизайнер, проектлаучы һ.б. профессияләре белемнәрен үзләштерәләр.
Күргәзмәдә укучыларның иң яхшы эшләре тәкъдим ителгән. Ачылышта эш авторлары үзләре, аларның педагоглары, Рәссамнар берлеге вәкилләре, ТР Халыклар дуслыгы йорты җитәкчелеге һәм хезмәткәрләре һәм башка кунаклар катнашты. Күпмилләтле якшәмбе мәктәбе һәм «Алтын» мәктәп-студиясе яшь артистлары чыгышлары бәйрәмне тагын да ямьләндерде.
Яшь талантларның эшләре белән бушлай Татарстанның Халыклары дуслыгы йортының тантаналар залында танышырга мөмкин.
Дуслык йортының мәгълүмат үзәге