(3 октябрь 2019) Казанда БДБ дәүләтләр-катнашучылар арасында узучы VII Халыкара мәктәп спорты фестивале башлана. Чарада 480нән артык укучы катнашачак.
Ярышлар сигез спорт төре буенча үтәчәк: мини-футбол, баскетбол, волейбол, баскетбол 3х3, өстәл теннисы, бадминтон, шахмат һәм мини су полосы.
Әзербайҗан, Әрмәнстан, Беларусь, Казахстан, Кыргызстан, Россия, Таджикистан, Украина һәм Үзбәкстан үз мәктәп командаларын җыячак. Ачылу тантанасы 5 октябрь көнне Идел буе физик культура, спорт һәм туризм академиясендә үтәчәк.
Фестиваль кысаларында «түгәрәк өстәл» утырышы узачак. Анда БДБ илләрендә мәктәп спорты үсеше һәм «Мәктәп спорты турында» модель законы буенча фикер алышачаклар. Чарада Татарстан халыклары Ассамблеясе вәкилләре дә катнашачак.
Дуслык йортының мәгълүмат үзәге