(23 ноябрь 2020) Нәкъ ярты ел элек Татарстанның Халыклар дуслыгы йорты онлайн форматта «Халык биюләре буенча мастер-класслар» проектын башлап җибәрде. «Instagram» һәм «ВКонтакте»да алып барылган туры эфирда Дуслык йортының хореография коллективлары җитәкчеләре һәм милли-мәдәни берләшмәләр активистлары катнашты.
Яңа коронавирус йогышлы авыруы таралу сәбәпле кертелгән чикләүләр чорында күпләр төрле халыкларның бию хәрәкәтләрен дистанцион өйрәнә алдылар. Тамашачыларда бу мөмкинлек тере кызыксыну уятты, гомумән алганда, онлайн-язмаларны барлыгы 64 меңгә якын кеше караган.
Алты ай эчендә «Инстраграм» һәм «ВКонтанте» социаль челтәрләре аккаунтларында 30 турыдан-туры эфир үткәрелде. Мастер-классларда 27 халык биюләре тәкъдим ителде: рус, татар, мари, удмурт, чуаш, төркмән, үзбәк, таджик, кыргыз, һинд, корея, вьетнам, бурят, казах, грузин, әзербайҗан, әрмән, дагыстан, чечен, авар, немец, испан, африкалы, шулай ук Латин Америкасының сальса һәм бачатасы, Доминикан бачатасы, төньяк халыклары биюләре.
Хореографлар ролендә 19 берләшмә вәкиле чыгыш ясады:
Гыймаева Гөлнара — Алтын хореография мәктәбе-студиясе
Гилоян Сурен — грузин җәмгыяте
Җәвәдбәков Сираж — Дагыстан җәмгыяте
Ким Юлия — үзбәк җәмгыяте
Васильев Андрей — немец җәмгыяте
София — Яшьләр Ассамблеясе каршындагы Латин Америкасы яшьләре
Самсонова Анна — удмурт җәмгыяте
Кабдуллина Карина — Казахстан җәмгыяте
Буй Зами — Вьетнам җәмгыяте
Хачатурян Анаит — әрмән җәмгыяте
Гумматова Аида — Азәрбайҗан җәмгыяте
Ялкабова Нәзирә — төркмән җәмгыяте
Нуриева Регина — «Сантош» һинд биюе коллективы
Матвеева Ольга — Корея җәмгыяте
Зарипов Зариф — тадҗик җәмгыяте
Бубеева Сэсэгма — бурят җәмгыяте
Оранс Эммануэль, Куахо Рафаэль Барнабе Ако — Яшьләр Ассамблеясе каршындагы Африка яшьләре
Семенова Галина — «Аталан» чуаш коллективы җитәкчесе
Шәйхетдинов Радик — «Бәрмәнчек» керәшен дәүләт фольклор ансамбле балетмейстеры.
Хореографлар күрсәткән образлар һәм хәрәкәтләр турыдан-туры эфирга кушылучылар өчен аңлаешлы булды. Уңышлы тәҗрибә дәвам иттереләчәк. Татарстан халыклары Ассамблеясе һәм Халыклар дуслыгы йортының Instagram һәм ВКонтакте сайтларында яңа анонслар көтәбез!
Дуслык йортының мәгълүмат үзәге