(10 март 2015) Мордовиядә Бөек Ватан сугышында Җиңүнең 70 еллыгын бәйрәм итү кысаларында иң яхшы инша, эссе, эзләнү эше буенча Республика конкурсы башланды. Конкурс 16нчы мартка кадәр дәвам итә. Конкурсны Мордовия татарларының “Якташлар” җәмгыяви милли-мәдәни оешмасы 5-11нче сыйныф укучылары һәм студентлар арасында игълан итте.
Җиңүчеләр өч категория буенча билгеләнә: 5-9 һәм 10-11 сыйныф укучылары, югары уку йортлары студентлары. Конкурста катнашучыларның иҗат эшләре «Хәтерлибез! Горурланабыз!», «Бөек Җиңүнең бәясе» һәм «Безгә Хәтер ышанып тапшырылган» номинацияләре буенча бәяләнә.
Җиңүчеләргә грамоталар һәм бүләкләр каралган. Бәйгедә катнашырга теләүче укучылар һәм студентларның иҗади эшләрен электрон вариантта (фотолары белән) “конкурска” дип электрон почта адресына yuldash-sputnik@mail.ru кабул ителә.
“Юлдаш-Спутник” газетасы материаллары буенчаә