(29 август 2019) Гастроль туры кысаларында Татарстан халыклары Ассамблеясе һәм Халыклар дуслыгы йорты иҗат коллективы республиканың Буа һәм Арча районнарында «Мы вместе – Без бергә» концерт программасын куйды.
Буада тамашачыларны район башлыгының беренче урынбасары Илдар Еремеев сәламләде.
Концерт программасында «Сантош» һинд биюе ансамбле солисты Ләйсән Шакирова, ТР төрекләренең «Анадолу» милли-мәдәни автономиясе яшьләр бүлеге активисты Диләрә Дамар, «Гулрез» таджик биюе коллективы солисты Зариф Зарифов, вокалчы Оливер Мукенди һәм концертны алып баручы Анжелика Вакилова катнашты.
Чараны барлыгы 250 кеше тамаша кылды.
Ассамблея һәм Дуслык йорты иҗат коллективының икенче төркеме Арча районында чыгыш ясады. Биредә тамашачыларны ТР Мәдәният министры Ирада Әюпова һәм ТР Арча районы башлыгы Илшат Нуриев сәламләде.
Концертта «Айбагыр» керәшен фольклор ансамбле, вокалчылар Роза Габдрахманова һәм Рәмис Идрисов, «Вардзиа» грузин биюе ансамбле катнашты. Чараны Зәмирә Рәҗәпова алып барды.
Концертка 180 арчалы килгән иде.
Дуслык йортының мәгълүмат үзәге