(9 июнь, 2016 ел) Дөньядагы барлык халыклар да гомергә дуслыкны бөек социаль һәм әхлакый кыйммәт дип санаган. Әмма, чын дуслык бик сирәк очрый, һәм идеал дәрәҗәсенә күтәлегән дуслык төшенчәсе бик борынгыдан килә, дип уйлаганнар.
Дус – ул ике тәндә яшәүче бер җан. Аристотель
Безнең борынгы бабаларыбызның халык-авыз иҗаты юктан гына дуслык турында күп мәкаль-әйтемнәр калдырмаган. Исегездәме? – Дус башка, дошман аякка карар. Йөз сум акчан булганчы – йөз дустың булсын. Дус авырлыкта беленер.
Халыкара дуслык көне (Международный день друзей, International Friends Day) ел саен 9 июнь көнне билгеләп үтелә. Тормыш хәлләре һәм үзгәрешләренә карамастан, без дусларыбызга аларның кирәк булуларын, аларны хөрмәт итүебезне әйтергә тиешбез. Әлеге бәйрәмнең кайчан һәм кем тарафыннан рәсмиләштерелгәнлеге билгеле булмаса да, ул үз популярлыгын җуймый. Нәкъ менә әлеге көнне, бәлки, кайберәүләр күптән хәбәрләшмәгән дусларына шалтыратып, бергә җыелып, вакытларын күңелле үткәрерләр, яңалыклары белән урташлашырлар.