(20 октябрь, 2017 ел) 28-29 октябрь көннәрендә Татарстанның Халыклар Дуслыгы йортында Бурятия Республикасы Улан-Удэ каласының “Ульгэр” курчак театры спектакльлләре күрсәтеләчәк.
PUPPET PARTY — ул үсмер яшьтәге балалар өчен курчаклар ярдәмендә оештырылучы кызыклы музыкаль тамаша.
Тамашачыларны тылсымлы күренешләр, фокуслар, кызыклы скетчлар, заманча башкаручыларга музыкаль пародияләр көтә. Һәркем курчак театры дөньясының ни дәрәҗәдә күптөрле икәненә инана алачак. Моннан тыш, тамашачылар әлеге тамашаның катнашучысы да була алачак, күп яңалык беләчәк.
Чара «Бурятия Республикасының «Ульгэр» курчак театры гастрольләре» федераль программасы кысаларында оештырыла.
Автор һәм режиссер-куючы: Белигма Улзутуева.
Тамаша гаилә белән карау өчен. Башлана 10:00 сәгатьтә.
Керү ирекле.
Халыклар Дуслыгы йортының мәгълүмат үзәге