(10 февраль) Кино күрсәтү 21 февраль көнне “Милли кино” проекты кысаларында “Знамя” кинотеатрында узачак.
Татар яшьләре берлеге активисты Элвина Графикова сүзләренә караганда, чараның 21 февральгә билгеләнүе юкка гына түгел. Нәкъ менә 21 февральдә Халыкара ана теле көне билгеләп үтелә.
Проектны оештыручылар уйлавынча, милли кино күрсәтү – бу халыклар өчен туган телләрен саклап калуның бер ысулы булып тора һәм халыкларга бер-берсенең мәдәнияте, гореф-гадәтләре белән танышу мөмкинлеге бирә.
Милли оешмалар чарада катнашучы фильмнарны үзләре сайлый. Татар яшьләре берлеге Казанда яшәүче режиссер Илдар Ягъфәровның “Югалту” картинасын сайлаган.
“Милли кино” кысаларындагы фильмнарны карау тамашачы өчен түләүсез булачак.
«Азатлык» радиосы