(21 февраль, 2017 ел) Казанда чит ил студентларына конкурсларда катнашу өчен гаризалар кабул итү дәвам итә. Студентлар рус телен һәм Россия законнарын ни дәрәҗәдә белүләрен тикшерә алалар, шулай ук «Дөнья энҗесе» («Жемчужина мира») конкурсында үз талантларын күрсәтү мөмкинлекләре бар.
Чит ил студентлары арасында рус теленнән олимпиадада катнашу өчен гаризаны 27 февральгә кадәр olimpiadakzn@gmail.com электрон постасына юлларга кирәк, дип хәбәр итә Казан мэриясе матбугат хезмәте.
«Дөнья энҗесе» матурлык һәм талант конкурсында катнашу өчен гаризаны 28 февральгә кадәр pearloftheworld-2017@mail.ru электрон почтасына җибәрергә кирәк.
Казанның югары уку йортларында белем алучы студентлар РФ законнарын ни дәрәҗәдә белүләрен тикшерергә телиләр икән, олимпиадада катнашу өчен гаризаларын 6 мартка кадәр olimpiadazakon@mail.ru электорн почтасына юллый алалар.
Татарстан халыклары Дуслыгы Йорты мәгълүмат үзәге