(14 сентябрь 2018) Татарстанның Халыклар дуслыгы йортында Татарстан халыклары Яшьләр Ассамблеясе активы ТР яшьләр эшләре министы Дамир Фаттахов белән очрашты. (ФОТО)
Мөхтәрәм кунакны Татарстан халыклары Ассамблеясенең башкарма комитеты җитәкчесе Николай Владимимров, Татарстанның Халыклар дуслыгы йорты директоры, ТР Дәүләт Советы депутаты Ирек Шәрипов һәм Татарстан халыклары Яшьләр Ассамблеясе җитәкчесе Тимур Кадыйров каршы алды. Экскурсия барышында Министрга Татарстан халыклары Ассамблеясе һәм Халыклар дуслыгы йорты эшчәнлеге турында сөйләделәр, милли-мәдәни автономияләр кабинетларын күрсәттеләр, Күпмилләтле якшәмбе мәктәбе һәм Дуслык музее белән таныштырдылар.
Экскурсиядән соң Дамир Фаттахов милли-мәдәни автономиләрнең яшьләр бүлекләре җитәкчеләре һәм Яшьләр Ассамблеясе активистлары белән күреште.
Очрашу барышында Тимур Кадыйров катнашучыларны Татарстан халыклары Яшьләр Ассамблеясе эшчәнлеге белән якыннанырак таныштырды. Аның сүзләренә караганда, Яшьләр Ассамблеясе составына 30 яшьләр хәрәкәте һәм бүгенге көндә республиканың муниципаль районнарына эшләп килүче 7 вәкиллек керә. Чит ил студентлары белән алып барылучы эш турында Тимур Кадыйров аерып әйтте. Шулай ук Яшьләр Ассамблеясе җитәкчесе республикакүләм милләтара яшьләр проектлары турында әйтеп үтте һәм оешма эшчәнлеге үсешенең перспективалы юнәлешләре белән уртаклашты.
Яшьләр бүлекләре лидерлары үз оешмаларындагы хәрәкәтләр, чынга ашырылучы проектлар, кулланылучы эш формалары, киләчәккә планнары турында сөйләделәр.
Очрашу ахырында ТР яшьләр эшләре министры нәтиҗәләр ясады, дуслыкны саклауларын теләде һәм Министрлык белән хезмәттәшлек итәргә чакырды.
«Сез — булдырасыз. Үз милләтегезгә хөрмәт белән каравыгыз бик кадерле күренеш. Шушы хисне сүз һәм, бигерәк тә, эш аша үстерегез, пропаганалагыз, горурлык белән аның турында сөйләгез. Моның өчен зур рәхмәт сезгә!» — дип сөйләде Дамир Фаттахов.
«Дин һәм мирас аермалыкларына карамасатн, Сез — төрле милләт вәкилләре дуслыгының ачык мисалы», — дип өстәде ул.
Информационный центр ДДнТ