20 апрель көнне 15:00 сәгатьтә Татарстанның Халыклар Дуслыгы йортында Татарстан халыклары Ассамблеясе белән берлектә Казан шәһәренең Күпмилләтле якшәмбе мәктәбе «Данлы Җиңү безнең хәтерләрдә» («Мы помним славную победу») концертын тәкъдим итә.
Сәхнәдә Күпмилләтле якшәмбе мәктәбенең милли бүлекләре иҗат коллективлары һәм аерым башкаручылары чыгыш ясаячак.
«Концерт Бөек Ватан сугышында халкыбызның яулаган Җиңүенә багышлана. Бу чараны бигерәк тә балалар белән тамаша кылу мөһим, киләсе буынга патриотлык һәм горурлык хисләрен тапшыру безнең бурычыбыз», — дип сөйли чараны оештыручылар.
Керү ирекле. Белешмәләр өчен телефон: 8-908-349-98-82.
Халыклар Дуслыгы йортының мәгълүмат үзәге