(5 февраль) Татарстан халыклары Ассамблеясы һәм Дуслык Йорты Интернет-Порталындагы милли-мәдәни автономияләр сайтларында тагын бер яңалык – бүгенге көннән милли сайтларда үз Дәүләтенең гимнын тыңлаү мөмкинлеге булдырылды. Дәүләт гимннары милли сайтларның “Мәдәният һәм тарих” бүлегенә урнаштырылды.
Милли-мәдәни автономияләр җитәкчеләре һәм активистлары һәр халыкның Дәүләт символларын тану, аларга хөрмәт белән карау зарурлыгы турында Ассамблея утырышларында һәрдаим әйтә килделәр. “Татарстан Республикасында яшәп, без Татарстанның Дәүләт символларын, аның гимнын беләбез һәм тирән хөрмәт белән кабул итәбез. Шул ук вакытта үзебезнең тарихи ватаныбыз символларын, тарихи дәүләтебез гимнын безнең балаларыбыз белеп, күреп, тыңлап үсәргә хаклы. Дәүләт билгеләрен үзебезнең сайт аша танып-белү мөмкинлеге бар икән, без моны шатланып кабул итәбез”, — диләр милли автономия вәкилләре.