(7 декабря 2015) Татарстан халыклары Дуслык Йортында Халыкара инвалидлар көне кысаларында I, II һәм III группа инвалидларга, инвалид балаларга, шулай ук аларның законлы вәкилләренә бушлай юридик ярәм күрсәттеләр.
Белгечләр белән киңәшергә теләүчеләр күп булды: яшьләрдән алып, олы яшьтәгеләргә кадәр. Өч сәгать эчендә барлык гражданнар да борчыган соруларына тулы җавап ала алдылар. Теләгәннәргә чәй өстәле дә әзерләнгән иде.
Чараның оештыручысы – ТР юистиция министрлыгы. Дуслык Йортының тамаша залында гражданнар өчен федераль һәм республика хакимияте органнары вәкилләре ярдәм күрсәтте: Россия пенсия фондының ТР буенча бүлеге, ТР буенча федераль налог хезмәте, Татарстан Республикасы буенча дәүләт теркәлү, кадастр һәм картография Федераль хезмәте идарәсе, ТРдагы хезмәт Дәүләт инспекциясе, ТР юистиция министрлыгы, ТР сәламәтлекне саклау министрлыгы, ТР хезмәт, халыкны эш белән тәэмин итү һәм социаль яклау министрлыгы, ТР җир һәм милек мөнәсәбәтләре министрлыгы, ТР төзелеш, архитектура һәм ТКХ минстрлыгы, ТР Дәүләт торак инспекциясе, шулай ук адвокат һәм нотариуслар.
Исегезгә төшерәбез, ноябрь ахырында россиякүләм балаларга хокукый ярдәм күрсәтү көне кысаларында Дуслык Йортында ТР юистиция министрлыгы охшаш чара уздырган иде. Ул вакытта бушлай юридик ярдәмне ятимнәр, ата-ана тәрбиясеннән мәхрүм калган балалар, шундый балаларны үз гаиләсенә тәрбиягә алырга теләгән затлар, уллыкка алучылар, инвалид балалар, аларның законлы вәкилләре ала алды.
Диләрә Батршина,
Татарстан халыклары Дуслык Йорты мәгълүмат үзәге