(10 май 2020) Татарстанның Халыклар дуслыгы йортында Җиңү көненә багышланган «Сугыш ветераннарының гаилә ядкарьләре тарихы» дип исемләнгән традицион күргәзмә ачылды. Күргәзмә материаллары белән видеопрезентация аша танышырга мөмкин. (ВИДЕО)
Күргәзмәнең авторы һәм илһамчысы – Алексей Эссен. Кызганыч, бер ай элек ул арабыздан китеп барды.
Экспозиция Бөек ватан сугышында катнашкан төрле милләт вәкилләре булган татарстанлылар турында сөйли, сугыш чоры документлары һәм экспонатлары белән таныштыра.
Шулай ук күргәзмә гаилә һәм шәхси коллекция материаллары, әйберләре һәм униформа белән тулыландырылган.
Традицион күргәзмә Татарстан халыклары Ассамблеясе һәм Халыклар дуслыгы йорты вәкилләре көче белән оештырылды. Аны булдыруда ТР милли-мәдәни оешмалары вәкилләре, ветераннар һәм иҗтимагый оешмалар әгъзалары булышты.
Дуслык йортының мәгълүмат үзәге