(27 декабрь, 2016 ел) Татарстан халыклары Дуслыгы Йортында Күпмилләтле якшәмбе мәктәбе укучылары өчен Яңа ел бәйрәме узды. Якшәмбе мәктәбе һәм Дуслык Йорты оештырган әлеге бәйрәмгә Татарстан башкаласында яшәүче 250дән артык сабый чакырылган иде. (ВИДЕО)
Төрле милләт балалары әкият геройлары белән бергә тылсымлы яңа ел тамашасында катнашты: барысы бергә «тылсымлы кар» ясадылар, усал тылсымчы урлаган яңа ел атрибутларын таптылар һәм, әлбәттә, кыш аеның төп герое — Кыш бабай һәм аның Кар кызын каршы алдылар.
«Яңа ел бәйрәмен без 15 ел рәттән оештырабыз, — дип сөйләде Казанның Күпмилләтле якшәмбе мәктәбе директоры, Казан грузиннарының милли-мәдәни автономиясе рәисе Майя Хухунашвили. — Ел саен катнашучыларның саны арта бара. Быел төрле милләт вәкилләренең балалары булу безне бик сөендерде. Якшәмбе мәктәбендә яңа бурят, гарәп, вьетнам, украина бүлекләре дә барлыкка килде. Адарга безнең мәктәптә ошар дип өметләнәбез. Нәрсә кызыклы, мотивацияле ата-аналар күбәйде. Ә бит туган телгә мәхәббәт нәкъ менә гаиләдә тәрбияләнә».
Күп кенә балалар Дуслык Йортында узучы чыршы бәйрәменә инде берничә ел рәттән киләләр. Шуңа күрә шигырь һәм җырларны үз туган телләрендә өйрәнеп киләләр. Кыш бабай барлык малайлар һәм кызларга тәмле бүләкләр өләште.
Әмма моның белән генә бәйрәм кичәсе тәмамланмады, чиратта Күпмилләтле якшәмбе мәкәбе укучылары концерт программасын тәкъдим итте. «Жемчужинки» ансамбле, аның солистлары рус, татар һәм инглиз телендә берничә вокаль номер белән чыгыш ясады.
«Балалар чын күңелдән әти-әниләре һәм яшьтәшләре алдында чыгыш ясады, — «Жемчужинки» ансамбле җитәкчесе, Башкортстанның халык артисты Фәнилә Хәбирова. — Кызлар һәр бәйрәмдә бик теләп катнашалар».
Татарстан халыклары Дуслыгы Йорты мәгълүмат үзәге