(30 июль 2020) Татарстанның Халыклар дуслыгы йортында «Хезмәт мигрантларын социаль адаптацияләүгә һәм интеграцияләүгә комплекслы якын килү моделе» дигән белем бирү семинары катнашучылары белән очрашу узды. (ВИДЕО)
Дуслык йорты директоры урынбасары Анастасия Исаева Россия төбәкләреннән килгән миграция сәясәте буенча 16 белгечкә экскурсия оештырды. Ул Ассамблея һәм Дуслык йорты, милли-мәдәни оешмалар, Күпмилләтле якшәмбе мәктәбе эшчәнлеге турында сөйләде.
Алга таба белгечләр Татарстан халыклары Ассамблеясе Советы рәисе урынбасары, Халыклар дуслыгы йорты директоры Ирек Шәрипов белән очраштылар. Очрашу барышында милли-мәдәни оешмаларның ватандашлары (хезмәт мигрантлары, чит ил студентлары) белән аралашу һәм эшләү үзенчәлекләре, Ассамблеянең муниципаль районнар белән хезмәттәшлек алымнарына кагылышлы мәсьәләләр буенча фикер алышу булды.
Дуслык йортының мәгълүмат үзәге