«Тормыш хакына халыклар иҗаты» гомумроссия иҗтимагый хәрәкәте (Сенеж форумы) Халыкара чәй көненә багышланган «Евразия халыкларының чәй традицияләре» телемарафоны оештырды.
Онлайн чарада Татарстанның Халыклар дуслыгы йорты директоры Ирек Шәрипов катнашты. Телемарафон өчен махсус видеоязма да әзерләнгән иде. Анда Дуслык йорты хезмәткәрләре Татарстанда яшәүче халыкларның чәй эчү традицияләре турында сөйләделәр.
Телемарафонда шулай ук Самара өлкәсе, Саха (Якутия) Республикасы, Татарстан Республикасы, Коми Республикасы, Омск өлкәсе һәм Россиянең башка төбәкләре вәкилләре дә катнашты, Казахстан, Кыргызстан, Таҗикстан, Үзбәкстан вәкилләре кушылды.
Чараның инициаторы – проекты буенча «Сенеж форумы» гомумроссия иҗтимагый хәрәкәтенең партнеры булган Самара өлкәсенең Халыклар Дуслыгы йорты. Халыкара чәй көнен бәйрәм итү идеясе 2018 елда Самарада туган һәм бүгенге көндә активлаша бара. Әлеге чара чәй эчү ― гаилә мөнәсәбәтләренең генә түгел, халык дипломатиясенең дә нәтиҗәле коралы булуын күрсәтте.
Дуслык йортының мәгълүмат үзәге