Татарстанның Халыклар дуслыгы йорты Республиканың балалар китапханәсе белән хезмәттәшлек турындагы килешүне имзалады. Чара РФ Дәүләт Думасы депутаты Татьяна Ларионова белән хөрмәтле кунаклар килү кысаларында китапханәнең үзендә узды.
Кунакларга китапханә буенча экскурсия оештырылды. Учреждение директоры Ирина Мөхәммәтгалиева эш юнәлешләре, яңа проектлар турында сөйләде.
Аралашу барышында Халыклар дуслыгы йорты директоры Ирек Шәрипов, ике якның да балалар аудиториясенә юнәлдерелгән яңа уртак проектлар оештыру буенча зур мөмкинлеге бар, дип билгеләп үтте.
Монан тыш Дуслык йорты тарафыннан китапханәдә күптән түгел Мәскәүдә дә күрсәтелгән Бөек Ватан сугышы чоры плакатлары һәм листовкаларына багышланган проект тәкъдим ителде. Чарада катнашучылар билгеләп үткәнчә, бүгенге көндә әлеге тема бигерәк тә актуаль булып тора.
Дуслык йортының мәгълүмат үзәге