Татарстанның Халыклар дуслыгы йортының күпмилләтле иҗади коллективы М.Н. Садыков исемендәге 7 нче шәһәр клиник хастаханәсенең кабул итү-диагностика бүлегендә һәм хастаханә музее холлында узган «Игелек ярминкәсе»ндә катнашты.
Ярминкәне сәламләү сүзләре белән хастаханәнең баш табибы Артур Делян, ТР сәламәтлек саклау министры урынбасары Фәридә Яркаева, шәһәр хастаханәсенең ветераннар советы рәисе Равия Мухина һәм хәзерге вакытта махсус хәрби операциядә булган 7 нче шәһәр клиник хастаханәсе табибы Азат Закиров белән хезмәт итүче Ленар Зартынов ачтылар.
Дуслык йорты артистлары хастаханә хезмәткәрләре белән рус, татар һәм чуваш телендә җырлар һәм биюләр башкардылар,
Әлеге тамашаны медицина хезмәткәрләре һәм хастаханәнең төрле бүлекләрендә дәваланучы махсус хәрби операциядә катнашучылар карады.
Дуслык йортының мәгълүмат үзәге