Татарстанның Халыклар дуслыгы йортында Татарстан Республикасы территориясендә яшәүче Идел буе халыкларының традицион киемнәре коллекциясеннән беренче милли костюмнарны кабул иттеләр. (ФОТО)
Костюм комплексларын булдыру өстендә галимнәр, этнографлар, культурологлар, фольклорчылар һәм традицион киемнәр җитештерү осталары эшләде. Кием һәм бизәнү әйберләренең барлык детальләре төгәл тарихи һәм этнографик мәгълүматлар буенча эшләнелде, ә проект өстеннән фәнни җитәкчелекне Казан университетының Халыкара мөнәсәбәтләр институтының югары тарих фәннәре һәм Бөтендөнья мәдәни мирасы мәктәбенең антропология һәм этнография кафедрасы мөдире Елена Гущина башкарды.
Барлык костюмнар әзер булгач, махсус күргәзмә оештырылачак. Экспозициядә XIX гасырның икенче яртысында – XX гасыр башында Казан Идел буе территориясендә яшәгән русларның, татарларның, чуашларның, мордваларның, мариларның, башкортларның һәм удмуртларның милли киемнәре тәкъдим ителәчәк.
Дуслык йортының мәгълүмат үзәге