Татарстанның Халыклар дуслыгы йортында балалар ялын оештыру мәсьәләләре буенча эшлекле киңәшмә узды. Киңәшмәдә Дуслык йорты һәм Татарстан халыклары Ассамблеясе хезмәткәрләре, милли-мәдәни автономияләр, Күпмилләтле якшәмбе мәктәбе җитәкчеләре катнашты.
Катнашучыларга тематик сменалар оештыру мөмкинлеге һәм моның өчен өч этаплы конкурс узарга кирәк булуы турында сөйләделәр. Җиңүче проектлар Татарстан Республикасы хакимият органнары тарафыннан хуплау алачак.
Шулай ук киңәшмәдә проектлар төзү һәм аларны яклау буенча киңәшләр бирелде. Проектларны яклау агымдагы елның октябрендә узачак.
Татарстанның Халыклар дуслыгы йорты директоры Тимур Кадыйров билгеләп үткәнчә, мондый конкурсларда катнашу — үз халыкларының туган телләрен һәм мәдәниятләрен саклап калырга омтылган балалар өчен мәдәни һәм социаль мәгънәдә танып белү һәм файдалыны оештыру буенча бик яхшы мөмкинлек.
Дуслык йортының мәгълүмат үзәге