17 августта Татарстанның Халыклар дуслыгы йортында «Әйдә, ШаяРТ!» КВН татар лигасының финал уены узачак. Чемпион исеме өчен алты команда көч сынашачак: Зәй районыннан «Зәй әбисе», Яр Чаллыдан «Чаллы Бройлер», Актаныш районыннан «Нәмәкәй», керәшеннәрнең җыелма командасы, «ПрофКәмит» мәдәният хезмәткәрләре профсоюзының җыелма командасы һәм Татарстан Республикасының Тукай районы җыелма командасы.
Мондый чаралар республика яшьләре арасында туган телне саклауга, шулай ук яшьләрнең әхлакый, мәдәни казанышларын арттыруга, яшьләр сафларында актив гражданлык позициясен формалаштыруга ярдәм итә.
Татарстанның Халыклар дуслыгы йорты «Әйдә, ШаяРТ!» КВН татар лигасының даими партнеры булып тора.
Дуслык йортының мәгълүмат үзәге