Татарстанда Милли мәдәниятләр һәм традицияләр елында республиканың муниципаль берәмлекләре арасында «Татарстанның мәдәни башкаласы» конкурсы игълан ителде.
2023 елның 31 мартыннан 24 ноябренә кадәр Казанның 13 төрле мәйданчыгында мәдәни программалар күрсәтеләчәк. Әлеге программаларда республика халкы халык тарихи-мәдәни күргәзмәләр, туристик маршрутлар, милли аш-су, халык сәнгать кәсепләре, иҗат коллективлары чыгышлары аша муниципаль берәмлекләрнең уникаль мәдәни кодлары белән танышачак.
Конкурста җиңү яулаган муниципаль район федераль яки төбәк мәдәни проектларының берсен үз территориясендә уздыру хокукына ия булачак. Проектны гамәлгә ашыру өчен конкурс җиңүчесенә 3 миллион сумлык сертификат тапшырыла.
Беренче чара 2023 елның 31 мартында Татарстанның Халыклар дуслыгы йортында узачак, анда Лениногорск районы үз мәдәниятен тәкъдим итәчәк. Шулай ук әлеге мәйданчыкта 12 апрельдә Яңа Чишмә районы, 28 апрельдә Чирмешән районы, 30 апрельдә Әгерҗе районнары чыгыш ясаячак.
Татарстан Республикасы муниципаль районнарының мәдәният көннәре кысаларында смотр-конкурс графигы белән (уздыру көне һәм урыны) тулаем сылтама аша узып танышырга мөмкин.