Казан шәһәренең Авиатөзелеш һәм Яңа Савин районнары социаль яклау бүлеге карамагындагы балалар «Вакыт елгасы. Без Татарстаннан» халыкара живопись һәм графика күргәзмәсен килеп күрделәр. Күргәзмә Татарстанның Халыклар дуслыгы йортының 4 катындагы залында эшли.
Балалар Татарстан Республикасы һәм Россиянең башка төбәкләренең танылган авторларны эшләре белән таныштылар, аларда Идел киңлекләре, Казанның истәлекле урыннары, анда яшәүче кешеләр, танылган шәхесләр сурәтләнгән, милләтара дуслык темасы ачылган. Үз чиратында, һәр кунак үзенә иң ошаган картинаны сайлап алды һәм анда аның игътибарын нәрсәгә җәлеп итүе турында сөйләде.
Шулай ук балалар Дуслык музеенда булдылар, кызыклы экспонатлар белән таныштылар һәм истәлеккә күмәк фото ясадылар.
Исегезгә төшерәбез, «Вакыт елгасы. Без Татарстаннан» халыкара живопись һәм графика күргәзмәсе БДБ рәссамнарының һөнәри берлегенең Казан бүлегенә 20 ел тулуга багышланган. Аның ачылышы Татарстанның Халыклар дуслыгы йортында 28 октябрьдә узды.
Дуслык йортының мәгълүмат үзәге