Дуслык йортында Пермь крае губернаторы администрациясе башлыгының беренче урынбасары Леонид Политов булып китте. Аны Татарстан Республикасы Президенты Аппараты җитәкчесе урынбасары – Татарстан Республикасы Президентының эчке сәясәт мәсьәләләре департаменты җитәкчесе Александр Терентьев озата килде.(ФОТО)
Александр Терентьев һәм Татарстанның Халыклар дуслыгы йорты директоры Ирек Шәрипов үткәргән экскурсия барышында Леонид Политовны Татарстан халыклары Ассамблеясының ресурс үзәге буларак Дуслык йортының инфраструктурасы һәм эш тәҗрибәсе белән таныштырдылар. Шулай ук хакимият органнары белән хезмәттәшлек итү, балаларны Күпмилләтле якшәмбе мәктәбендә укыту, мәгълүмат үзәге эше һәм Татарстанның милли-мәдәни берләшмәләре ел саен үткәрә торган традицион республика бәйрәмнәре турында сөйләделәр.
Очрашу ахырында Леонид Политовка «Татарстан Республикасында милли сәясәтне гамәлгә ашыру өлкәсендә төп бурычлар» дигән презентация тәкъдим ителде.
Дуслык йортының мәгълүмат үзәге