Татарстанның Халыклар дуслыгы йортында ART-проект кысаларында гамәлгә ашырылучы «Венгрия һәм Татарстан тарихы серләре: уртак чыганаклар» дип аталган өченче күргәзмә ачыла.
«Татарстан территориясендә Зур Тигәнәле һәм Танкеевка авылларындагы борынгы каберлекләр венгрларның монда VII-IX гасырларда 200 елдан артык яшәвен раслый», — дип билгеләп үтә күргәзмәне оештыручылар.
«Генетик яктан без татарлар белән якын халык», — дип ассызыклый Венгриянең Казандагы Генераль консулы Адам Штифтер.
Күргәзмәдә дистәләгән рәссам рәсем сәнгате, графика, цифрлы графика, бизәкләр төшерелгән тукыма үрнәкләре тәкъдим итәчәк. Эшләр югарыда билгеләп үтелгән темаларга кагылалар һәм аларны яңача ачалар.
Күргәзмә ачылу тантанасы 9 февраль көнне 16:00 сәгатьтә Татарстанның Халыклар дуслыгы йортының тантаналар залында узачак.
Дуслык йортының мәгълүмат үзәге