Татарстанның Халыклар Дуслыгы йортында Россиядә бердәнбер булган беларус шагыйре һәм тәрҗемәчесе Янка Купала музееның 50 еллыгына багышланган чаралар циклын оештыру һәм уздыру мәсьәләсе буенча эшлекле киңәшмә узды. (ФОТО)
Очрашуда Татарстан халыклары Ассамблеясе Советы башкарма комитеты җитәкчесе Ренат Вәлиуллин, Татарстанның Халыклар Дуслыгы йорты директоры урынбасары Наталья Мясникова, Беларусия Илчелегенең Казан бүлеге киңәшчесе Виктор Щетько, Югары Ослан районының Печищи авылындагы Янка Купала музее директоры Римма Абызова, Казан шәһәре беларусларының «Спадчына» («Наследие») җирле иҗтимагый оешмасы рәисе Сергей Маруденко катнашты.
Катнашучылар шагыйрьнең күпкырлы иҗатына кагылышлы фәнни-гамәли конференция оештыру мөмкинлеге, шулай ук Печищи авылы тарихы һәм Янка Купала музее турында китап чыгару, гомумән, Россия, Татарстан һәм Беларусиянең тыгыз элемтәләре турында фикер алыштылар.
ТХДЙның мәгълүмат үзәге