Татарстанның Халыклар дуслыгы йортында күп милләтле «Жемчужинки» ансамбленең отчет концерты булды. Нәни артистлар еллык эшчәнлекләренә йомгак ясау уңаеннан матур иҗади чыгышлар әзерләгәннәр иде.
Чара программасында ансамбльнең төрле яшьтәге төркем солистлары башкаруында җырлар яңгырады. Аларны котлап, Күп милләтле якшәмбе мәктәбенең башка иҗат коллективлары төрле халык биюләрен башкарды.
Чара барышында ансамбльнең ел дәвамында республика һәм Бөтенроссия күләмендәге төрле конкурсларда катнашкан вокалистларының уңышлары да билгеләп үтелде.
Концерт программасы ахырында Күп милләтле якшәмбе мәктәбе педагогы һәм «Жемчужинки» ансамбле җитәкчесе Фәнилә Хәбировага багышлап рәхмәт сүзләре белән әти-әниләр чыгыш ясады. Алар педагогның балаларга булган мәхәббәтен һәм зур эш башкаруын билгеләп үттеләр, ансамбльгә иҗади юлында уңышлар теләделәр.
Дуслык йортының мәгълүмат үзәге